Pije me 'kanabis' : Një industri që po shpërthen në SHBA mes mungesës së rregulloreve të qarta

Të Tjera | 12.05.2025 Ora 8:14

Pijet me përmbajtje të THC-së, komponenti psikoaktiv i kanabisit, po përjetojnë një rritje të jashtëzakonshme në Shtetet e Bashkuara. Që nga viti 2023, për shembull, rrjeti Top Ten Liquors ka parë që këto produkte përbëjnë 15% të shitjeve të përgjithshme.

Ky trend po përforcohet nga stili i jetesës i njohur si "California sober", që inkurajon përdorimin e kanabisit në vend të alkoolit. Një vrull të madh ia ka dhënë dhe një “hapësirë ligjore” në ligjin e fermave të vitit 2018, që lejoi prodhimin e pijeve me përqindje të ulët të THC-së.

Kompani si Cann, hi Seltzer, dhe BRĒZ po raportojnë miliona në shitje vjetore, ndërkohë që rregulloret në nivel shtetëror dhe federal mbeten të paqarta. Ekspertët paralajmërojnë se e ardhmja e industrisë varet nga përmbajtja e ligjit të ardhshëm për fermat dhe mundësia e ndërhyrjes nga FDA. Për momentin, megjithatë, tregu i THC beverages po përjeton një "boom" të paprecedentë në SHBA.