Një politikan italian ka propozuar një ligj që do ta bënte automatike dhënien e mbiemrit të nënës për foshnjet që në lindje, një hap që do të shënonte një ndërprerje të një traditë shekullore dhe ka shkaktuar një debat të ashpër.

Dario Franceschini, një ish-ministër i kulturës nga Partia Demokratike e qendrës së majtë, argumenton se një legjislacion i tillë do ta “korrigjonte një padrejtësi historike”, raporton The Guardian.

Propozimi i tij vjen pas një vendimi të Gjykatës Kushtetuese italiane në vitin 2022, e cila e cilësoi praktikën e dhënies automatike të mbiemrit të babait për të porsalindurit si “diskriminuese dhe të dëmshme për identitetin e fëmijës”.

Gjykata vendosi që fëmijëve duhet t’u jepen mbiemrat e të dy prindërve sipas radhës që ata vendosin, përveç rasteve kur ata merren vesh që fëmija ta mbajë vetëm njërin mbiemër. Nëse ka mosmarrëveshje ose paqartësi, gjykatësi do ta ketë fjalën e fundit.