Sasia e proteinave që i nevojitet çdo personi është një nga temat më të debatuara, por më pak të kuptuara në të ushqyerit sot. Pra, a ka udhëzime për marrjen e proteinave, veçanërisht ato që vlejnë për njerëzit me nivele të ndryshme të atletizmit? Fatmirësisht, përgjigja është po! Ne do t'ju ndihmojmë të merrni informacione të sakta.
 
Kriteri i parë që përcakton edhe sasinë lidhet ngushtësisht me nevojën për proteina që ka çdo individ. Teknikisht për çdo individ ka sasi dhe nevoja të ndryshme proteinike. Në të ushqyerit dhe performancën, rekomandimet e ekspertëve, në lidhje me proteinat, janë më shumë një spektër sesa një recetë ekzakte. Faktorët që ndikojnë në këtë përcaktim janë mosha, gjinia, struktura gjenetike, dieta e përgjithshme, intensiteti ushtrimeve, frekuenca dhe kohëzgjatja, si dhe qëllime individuale si mirëmbajtja e muskujve kundrejt rritjes së muskujve.
 
Kriteri i dytë që merret në analizë është se të gjithë të rriturit e shëndetshëm, pavarësisht nga aktiviteti, kërkojnë proteina. Proteinat janë blloqet ndërtuese të trupit dhe përdoren për një sërë funksionesh përveç riparimit dhe rikuperimit të muskujve. Nëse keni një qëllim që përfshin muskujt në çfarëdo mënyre, sasia e proteinave në dietën tuaj ditore bëhet edhe më e rëndësishme. Pra, pavarësisht qëllimeve tona individuale, marrja e proteinave lidhet edhe me funksionimin normal të organizmit.
 
Kriteri i tretë është edhe në varësi të planit ushqimor që ndjekim. Këshilla jonë profesionale është të konsumoni një shumëllojshmëri burimesh ushqimore të pasura me proteina në një ditë ose javë, në vend që të kërkoni burimin e vetëm "më të mirë" të proteinave. Kjo i siguron trupit tuaj potencial për një të lartë dhe me një spektër më të plotë të aminoacideve.
 
Sa proteinë kam nevojë?
Dalim në temë. Për të dhënë një përgjigje profesionale dhe sa më të saktë, ne do na duhet ti ndajmë me kategorizim.
 
Masa e gjërë

Këtu përfshihen individët që jo domosdoshmërisht merren me një aktivitet fizik. Sikurse kan qëllim të jenë të shëndetshëm dhe të kenë një potencial fizik për të kryer rutinën ditore. Sipas edhe udhëzimeve kjo kategori duhet të marrë nga 0.36-0.8 gram proteina për 1 kg peshë trupore. Kjo sasi është ditore. Edhe pse ka sugjerime që rekomandojnë edhe deri në 1 gram.
 
Nëse jeni duke ndërtuar muskuj
Nëse jeni në këtë kategori, teknikisht mund të jeni një bodybuilder ose atlet fizik, ose duke marrë pjesë në një sport që kërkon muskuj dhe forcë, dhe qëllimi juaj është ose të ruani një sasi më të madhe muskujsh ose të rrisni vazhdimisht forcën. Kjo kategori ka nevojë midis 0.73-1.10 gram proteina për 1 kg peshë trupore. Kjo sasi është ditore. Edhe pse ka sugjerime që rekomandojnë edhe diapazone 1.6-2.4 gram.
 
Nëse kryeni performanca atletike
Nëse jeni në këtë kategori, muskujt dhe forca ka të ngjarë të jenë ende të rëndësishme për ju, por ndoshta jo qëllimi juaj përfundimtar. Kjo vlen për lojtarët e sporteve ekipore, atletët e qëndrueshmërisë dhe pjesëmarrësit në sporte luftarake dhe ekstreme. Ky lloj trajnimi është intensiv, kështu që diapazoni juaj i synuar për marrjen e proteinave është 1.4-2.0 gram proteina për 1 kg peshë trupore. Kjo sasi është ditore.
 
Pra, nëse i hedhim një sy të dhënave të mësipërme, ato janë me interval sasie. Sikurse e cekëm në fillim faktorët që e përcaktojnë ekzaktësisht janë mosha, gjinia, struktura gjenetike, dieta e përgjithshme, intensiteti ushtrimeve, frekuenca dhe kohëzgjatja, si dhe qëllime individuale si mirëmbajtja e muskujve kundrejt rritjes së muskujve.