Timothée Chalamet ka vendosur një rekord të ri personal në Rotten Tomatoes me performancën e tij në rolin e Bob Dylan në filmin A Complete Unknown. I drejtuar nga James Mangold, filmi përshkruan ditët e para të Dylan në skenën e muzikës folk në East Village, deri te momenti kur revolucionarizoi gjithçka duke kaluar në muzikën elektrike në Newport Folk Festival.

Me Chalamet që këndon vetë këngët e Dylan dhe një interpretim që ka ngjallur zëra për një nominim për Oscar, filmi debuton në kinema më 25 dhjetor.

• A Complete Unknown* tashmë ka arritur një vlerësim 95% në Popcornmeter (audience score) në Rotten Tomatoes, duke barazuar me suksesin e mëparshëm të aktorit në Dune: Part Two. Filmi ka kaluar kufirin e 250+ vlerësimeve të verifikuara që kërkohen për këtë klasifikim, duke konfirmuar pritshmëritë e larta të publikut.