Aktori Liam Neeson rikthehet me filmin e ri aksion “The Mongoose”, i cili pritet të dalë në kinema më 30 tetor 2026.

Neeson interpreton Ryan “Fang” Flanagan, një ish-ushtar elitar që bëhet i dyshuari kryesor për vrasjen e të fejuarit të ish-bashkëshortes së tij. Për t’i shpëtuar ndjekjes së policisë dhe për të zbuluar të vërtetën, ai detyrohet të arratiset, ndërsa ish-shokët e tij të ushtrisë i dalin në ndihmë.

Filmi shënon debutimin regjisorial të Mark Vanselow, i cili më parë ka punuar si koordinator i skenave të aksionit dhe dublant në produksione të njohura.