Apple TV po u jep fansave të personazheve “Peanuts” mundësinë ta shikojnë falas specialin e animuar “It’s the Great Pumpkin, Charlie Brown”, pa pasur nevojë për abonim.

Produksioni klasik i vitit 1966 shënon këtë vit 60-vjetorin e publikimit. Ai sjell aventurat e Charlie Brown-it dhe miqve të tij gjatë Halloween-it, përfshirë Linusin, i cili pret me bindje shfaqjen e Kungullit të Madh, si dhe Snoopy-n me imagjinatën e tij të veçantë.

Mundësia për ta parë falas ishte planifikuar fillimisht për datat 17 dhe 18 tetor. Megjithatë, sipas raportimit të “Screen Rant”, speciali vazhdonte të ishte i qasshëm falas në aplikacionin Apple TV edhe pas përfundimit të kësaj periudhe. Ende nuk është e qartë nëse kompania e ka zgjatur ofertën.

Apple ka planifikuar gjithashtu periudha falas për dy produksione të tjera klasike: “A Charlie Brown Thanksgiving”, më 14 dhe 15 nëntor, si dhe “A Charlie Brown Christmas”, më 12 dhe 13 dhjetor.

Për momentin, ata që dëshirojnë ta shikojnë specialin e Halloween-it duhet të kontrollojnë aplikacionin Apple TV, pasi nuk dihet se sa gjatë do të vazhdojë qasja falas.