Filmi i ri i aktorit Tom Cruise, Digger, po përballet me rezultate zhgënjyese në kinema, vetëm dy javë pas premierës.

Filmi, i cili dallon nga projektet aksion të Cruise si Mission: Impossible dhe Top Gun, ka marrë vlerësime të përziera nga kritikët, duke arritur 53 për qind në platformën Rotten Tomatoes.

Deri më tani, Digger ka arkëtuar rreth 38 milionë dollarë dhe ka përfunduar në vendin e pestë gjatë fundjavës së parë të shfaqjes. Në fundjavën e dytë, shitjet e biletave ranë me 60 për qind, ndërsa filmi zbriti në vendin e tetë.

Sipas raportimeve të mediave të specializuara, filmi pritet të largohet nga 2,535 kinema gjatë fundjavës së ardhshme, një nga rëniet më të mëdha të numrit të kinema-ve që shfaqin një film brenda një fundjave.

Në Digger, Cruise luan një manjat të naftës, veprimet e të cilit shkaktojnë një katastrofë globale pasi ai nxjerr naftë në Grenlandë, duke shpërfillur paralajmërimet për pasojat e mundshme.

Filmi është drejtuar nga Alejandro G. Iñárritu, i njohur për The Revenant dhe Birdman. Në kast janë edhe Riz Ahmed, John Goodman, Sandra Hüller dhe Jesse Plemons.

Pavarësisht pritjeve fillestare, rezultatet në kinema kanë zbehur edhe diskutimet për mundësinë e nominimeve në çmimet Oscar. Megjithatë, nominimet zyrtare pritet të tregojnë nëse filmi do të ketë sukses në ndonjë kategori.