Elon Musk ka investuar të paktën 276 milionë dollarë në fushatat për zgjedhjet e mesmandatit në Shtetet e Bashkuara, duke u rikthyer si donatori më i madh i njohur i Partisë Republikane.

Një zëdhënës i grupit të tij politik, America PAC, konfirmoi shumën, e cila përfshin kontributet nga korriku e tutje. Prej tyre, 158 milionë dollarë i janë dhënë Senate Leadership Fund, një organizatë që mbështet kandidatët republikanë për Senat.

Një pjesë e madhe e shpenzimeve po përqendrohet në garën për Senat në Teksas, ku republikani Ken Paxton po përballet me demokratin James Talarico. Teksasi konsiderohet shtet me rëndësi të madhe për interesat e biznesit të Musk.

Gjatë fushatës presidenciale të vitit 2024, Musk kishte dhuruar afro 300 milionë dollarë për të mbështetur Donald Trumpin. Megjithëse në vitin 2025 deklaroi se do të shpenzonte më pak për politikën, kontributet e tij të fundit tregojnë rikthimin e tij në financimin e fushatave republikane.

Fushatat dhe disa organizata politike duhet t’i raportojnë financat e tyre në Komisionin Federal të Zgjedhjeve deri të enjten.