Barcelona është bërë skuadra me më së shumti gola të shënuar në historinë e La Ligës, duke kaluar rivalin Real Madrid. Katalanasit kanë arritur në kuotën e 6,705 golave, përballë 6,656 golave të Real Madridit, duke krijuar një epërsi prej 49 golash. Barcelona ka pasur një periudhë veçanërisht produktive në dekadën e fundit dhe që nga sezoni 2016/17 ka shënuar 106 gola më shumë se madrilenët në kampionat. Kështu, pas disa viteve me ritëm të lartë ofensiv, Barcelona tashmë mban rekordin për numrin më të madh të golave në historinë e elitës së futbollit spanjoll.