Ish-presidenti amerikan Barack Obama ka kritikuar vendimin e Presidentit Donald Trump për t’ua ndaluar qasjen në Shtëpinë e Bardhë mediave CNN, MS NOW dhe Politico.

Obama tha se liria e shtypit është një çështje themelore dhe se një president nuk duhet të përdorë pushtetin për të përjashtuar media për shkak të kritikave ndaj tij.

“Ky nuk duhet të jetë një debat partiak”, tha Obama, duke shtuar se shqetësimi kryesor është mungesa e kufizimeve që do ta pengonin një president të vepronte në këtë mënyrë.

Trump kishte njoftuar më 18 shtator se këto media do të ndaloheshin nga ambientet e Shtëpisë së Bardhë, duke i akuzuar për raportime që ai i cilësoi si “lajme të rreme”. CNN, MS NOW dhe Politico më pas e paditën administratën amerikane për rikthimin e qasjes së tyre.

Ndërkohë, më 24 shtator, një gjykatës federal urdhëroi administratën Trump t’ua rikthejë qasjen gazetarëve të këtyre tri mediave, duke e konsideruar ndalimin me gjasë antikushtetues.