Shefi i OpenAI, Sam Altman, ka thënë se publiku duhet të ketë më shumë besim te kompanitë e inteligjencës artificiale dhe aftësia e tyre për ta zhvilluar teknologjinë në mënyrë të sigurt.

Duke folur në një konferencë në San Francisko, Altman pranoi se shqetësimet për rreziqet e AI janë të arsyeshme, pasi aftësitë e kësaj teknologjie janë zhvilluar me shpejtësi.

“Bota ka të drejtë të frikësohet nga kjo”, tha Altman, duke shtuar se OpenAI dhe kompanitë e tjera të sektorit duhet të vendosin sigurinë përpara zhvillimit të mëtejshëm të teknologjisë.

Altman mbështeti idenë që industria të vendosë standarde të sigurisë dhe të vetërregullohet, ndërsa në SHBA ka edhe zëra që kërkojnë ndërhyrje më të madhe nga qeveria.

Senatori Bernie Sanders dhe ish-këshilltari i Donald Trumpit, Steve Bannon, kanë shprehur dyshime se kompanitë e teknologjisë mund ta kontrollojnë vetë zhvillimin e AI-së.

Debati është intensifikuar pas paralajmërimeve të disa studiuesve dhe drejtuesve të industrisë për rreziqet potenciale të inteligjencës artificiale. Kompanitë kryesore të sektorit po diskutojnë ndërkohë për krijimin e standardeve të përbashkëta të sigurisë.