Komisioni Evropian pritet të propozojë rregulla të reja për mbrojtjen e fëmijëve online, sipas të cilave nën 15-vjeçarët nuk do të mund të krijojnë llogari në rrjetet sociale pa miratimin e prindërve. Masat do të prekin platforma si Instagram, TikTok dhe YouTube, ndërsa parashikohet edhe verifikimi i moshës nga kompanitë teknologjike.

Drafti synon gjithashtu të kufizojë funksione si “scroll”-i pa fund, njoftimet artificiale dhe algoritmet që i mbajnë të miturit të ekspozuar ndaj përmbajtjeve të ngjashme. Rregullat do të shtrihen edhe te videolojërat dhe chatbotët me inteligjencë artificiale, me synimin që platformat të jenë më të sigurta për fëmijët që në fazën e dizajnimit.