Cmimi i naftes ka kaluar mbi 105 dollare per fuçi, mes shqetesimeve se konflikti ne Lindjen e Mesme mund te zgjase dhe te shkaktoje pasoja te reja ne ekonomine globale.

Nafta Brent, nje nga referencat kryesore ne tregjet boterore, ka vazhduar te rritet pas perkeqesimit te konfliktit mes SHBA-se dhe Iranit. Nderkohe, mbyllja efektive e Ngushtices se Hormuzit ka veshtiresuar transportin e naftes dhe gazit nga Gjiri drejt tregjeve nderkombetare.

Ekspertet paralajmerojne se nje periudhe e gjate me cmime te larta te energjise mund te rrise inflacionin dhe te ngadalesoje ekonomine globale.

Edhe cmimet e gazit natyror jane rritur ndjeshem, ndersa rezervat evropiane jane nen nivelet e zakonshme per kete periudhe te vitit. Kjo ka shtuar shqetesimet per furnizimin para sezonit te dimrit.

Rritja e kostove te energjise po ushtron presion edhe mbi tregjet financiare. Ne Britani, kostot e huamarrjes kane arritur nivelet me te larta ne vite, duke rritur edhe mundesine e shtrenjtimit te kredive per familjet dhe bizneset.

Analistet paralajmerojne se nese cmimet e naftes dhe gazit mbeten te larta per nje kohe te gjate, ndikimi mund te ndihet ne transport, prodhim, ushqime dhe shpenzimet e perditshme.