Lufta në Iran ka sjellë pasoja të mëdha për ekonominë globale, veçanërisht për tregun e naftës dhe transportin ndërkombëtar.

Sipas CNN, kontrolli i Iranit mbi ngushticën e Hormuzit ka ndikuar ndjeshëm në qarkullimin e naftës, pasi përmes kësaj rruge kalonte rreth një e pesta e naftës së botës. Kufizimet në transport kanë rritur kostot dhe kanë ndikuar edhe në çmimet e karburanteve.

Ndërkohë, Kina ka përdorur rezervat e saj të mëdha të naftës dhe ka përshpejtuar përdorimin e automjeteve elektrike, ndërsa vende si SHBA-ja, Brazili, Guajana, Kanadaja dhe Norvegjia kanë rritur prodhimin e naftës.

Ekspertët vlerësojnë se disa prej këtyre ndryshimeve mund të vazhdojnë edhe pas përfundimit të luftës, duke ndryshuar mënyrën se si bota prodhon, transporton dhe konsumon energjinë.