Data e lirimit të reperit amerikan Sean “P Diddy” Combs nga burgu është ndryshuar sërish. Ai aktualisht po vuan dënimin në Qendrën Federale Korrektuese Fort Dix në New Jersey, ndërsa data e re e lirimit është bërë objekt ndryshimesh të vazhdueshme.

Combs u dënua me 50 muaj burg për dy akuza për transportim me qëllim prostitucioni, ndërsa u shpall i pafajshëm për akuzat e trafikimit seksual dhe komplotit për shantazh. Ai ishte përfshirë më herët në një konflikt me një të burgosur tjetër, pas të cilit u vendos përkohësisht në izolim. Ndërkohë, reperi vazhdon të përballet edhe me padi të tjera civile, ndërsa mohon çdo keqbërje.