Stephen King ka bere nje rekomandim te vecante per fansat e horrorit, duke i bere thirrje publikut te mos e humbase filmin e ri “The Cycle”.

Autori i romaneve te njohura si “IT”, “The Shining”, “Carrie” dhe “Pet Sematary” ka shkruar ne rrjetin social X se zakonisht nuk rekomandon filma horror para premierave, pervec rasteve kur ato lidhen me veprat e tij. Megjithate, per “The Cycle” ai ka bere nje perjashtim, duke e cilesuar filmin si “special”.

Filmi, me protagoniste Deborah Ann Woll, e njohur per rolin e Karen Page ne “Daredevil”, ndjek historine e nje gruaje qe thirret ne nje stacion policor pasi trupi i babait te saj zbulohet ne nje vendngjarje, 36 vjet pasi ai ishte zhdukur.

Teksa nis te kerkoje pergjigje per te kaluaren e tij, ajo perballet me nje force te frikshme.

“The Cycle” eshte drejtuar nga Jordan Downey, i cili ka bashkeshkruar skenarin me Kevin Stewart. Ne kast jane edhe Jeffrey Donovan, Gretchen Corbett, Will Hochman dhe aktore te tjere.

Filmi do te jete i disponueshem ne platformen e filmave horror Shudder me 23 tetor, vetem pak dite para Halloween-it.

Rekomandimi i Stephen King ka rritur vemendjen ndaj filmit, sidomos pasi autori rralle promovon nje produksion horror ku nuk eshte i perfshire.