Administrata Amerikane për Ushqimin dhe Barnat (FDA) ka miratuar Rasonque (daraxonrasib) për të rriturit me kancer të avancuar të pankreasit, kur sëmundja nuk i përgjigjet më trajtimit të mëparshëm ose kur pacientët nuk mund ta përballojnë kimioterapinë standarde.

Në një studim me 500 pacientë, ilaçi rriti mbijetesën mesatare në 13.2 muaj, krahasuar me 6.7 muaj te pacientët që morën kimioterapi standarde.

Rasonque është ilaçi i parë i synuar i miratuar për kancerin e pankreasit që vepron ndaj formave të ndryshme të proteinës RAS, e cila lidhet me rritjen e tumoreve në shumicën e rasteve të adenokarcinomës së pankreasit.

FDA e kishte cilësuar ilaçin si terapi revolucionare dhe si bar jetim, ndërsa miratimi erdhi rreth gjashtë muaj para afatit të paraparë.

Kanceri i pankreasit mbetet një nga format më vdekjeprurëse të kancerit, kryesisht për shkak të zbulimit të vonë dhe mundësive të kufizuara të trajtimit.