Disney Live Action ka marrë përsipër zhvillimin e një filmi të ri fantastik, të bazuar në serinë e romaneve “The Dallergut Dream Department Store” nga autorja koreane Miye Lee.

Skenarin e filmit do ta përshtatë Patrick Ness, i njohur për punën në filmin “A Monster Calls”.

Historia ndjek Penny-n, e cila fillon punë në një dyqan misterioz ku shiten ëndrra. Por kur në dyqan nisin të ndodhin incidente të çuditshme dhe të rrezikshme, ajo vendos të zbulojë se çfarë po ndodh, para se kërcënimi të përhapet edhe më tej.

Romani është i pari i një trilogjie dhe është bërë bestseller në Korenë e Jugut, me mbi 2 milionë kopje të shitura në më shumë se 20 vende.

Për momentin, Disney nuk ka bërë të ditur datën e publikimit të filmit.