Valët e nxehta dhe thatësirat e kësaj vere, të përkeqësuara nga ngrohja globale, kanë shkaktuar dëme ekonomike që tashmë matën në qindra miliarda euro në Evropë — dhe sipas ekonomistëve, ky është vetëm fillimi.

Rekordet e temperaturave në qershor-korrik kanë ulur trafikun në lumenjtë Rhein dhe Danub, kanë detyruar mbi gjashtë centrale bërthamore të ulin prodhimin, dhe kanë shkaktuar humbje 6–7% në të korra si misri dhe lulediellin. Vetëm Gjermania ka raportuar mbi 10,000 vdekje të lidhura me nxehtësinë.

Sipas Allianz, valë-nxehtësia e qershorit vetëm do ta ulë BPV-në e Evropës me 0.3 pikë përqindje, ndërsa deri në 2030 klima mund t'u heqë 5–7% të rritjes ekonomive si Spanja, Franca dhe Italia. Ekonomistët paralajmërojnë se ndikimi i plotë do të ndihet vetëm vitet e ardhshme, pasi moti ekstrem nis një zinxhir pasojash ekonomike afatgjata.

Jugu, më i prekur

Evropa Jugore rrezikon të humbasë të ardhura nga turizmi (pasi turistët shmangin nxehtësinë ekstreme), të përballet me çmime më të larta ushqimi dhe migrim drejt veriut — duke e vështirësuar edhe më shumë punën e Bankës Qendrore Evropiane për të mbajtur inflacionin nën kontroll.

Presion mbi buxhetet

Të ardhurat tatimore mund të bien deri në 1.8% në Francë dhe 1.3% në Itali e Spanjë, ndërsa kostot e emergjencave dhe investimet klimatike po rritin borxhin publik — duke krijuar presion që Banka Qendrore Evropiane të ndërhyjë sërish me blerje obligacionesh, nëse tregjet reagojnë negativisht.