Aktori, komediani dhe skenaristi i nominuar për Oscar, Kumail Nanjiani, do të bëjë debutimin e tij si regjisor me filmin horror-komedi “Howl”.

Filmi është blerë nga Amazon MGM Studios – Orion Pictures dhe do të sjellë një histori të pazakontë për një aktor të famshëm, i cili gjatë një transmetimi televiziv live njofton se brenda më pak se një ore do të shndërrohet në ujk.

Nanjiani do të jetë edhe regjisori edhe aktori kryesor i projektit, ndërsa skenari është shkruar nga Madison Vanderberg, i cili u përfshi në listën prestigjioze të skenarëve më të mirë të papublikuar në Hollywood në vitin 2024.

Filmi pritet të kombinojë horrorin me humorin dhe të sjellë një qasje të re ndaj historive me ujqër.