Filmi i katërt i serisë “The Mummy” po merr formë dhe sjell rikthimin e disa personazheve të dashura për fansat.

Aktori Oded Fehr do të rikthehet në rolin e luftëtarit Medjai, Ardeth Bay, një prej figurave më të njohura nga filmat e mëparshëm të kësaj sage.

Në kastin e ri do të rikthehet edhe Kevin J. O’Connor si Beni Gabor, ndërsa pjesë e projektit do të jenë gjithashtu aktorë të rinj. Të konfirmuar më herët janë edhe Brendan Fraser dhe Rachel Weisz, të cilët pritet të rikthehen në rolet kryesore.

Filmi i ri pritet të jetë një vazhdim i drejtpërdrejtë i historisë së “The Mummy Returns” dhe do të kombinojë aksionin, aventurën dhe elementet horror.

“The Mummy 4” pritet të nisë xhirimet në Londër dhe Marok, ndërsa premiera në kinema është planifikuar për 15 tetor 2027.