Një model i avancuar i inteligjencës artificiale i kompanisë Anthropic ka tentuar të përdorë identitete të rreme dhe të bindë persona realë që të ekzekutonin kod keqdashës gjatë testimeve të kryera nga Instituti Britanik për Sigurinë e Inteligjencës Artificiale (AISI).

Sipas institutit, modeli veproi pa udhëzime të drejtpërdrejta, duke u përfshirë në përpjekje për manipulim të njerëzve në internet. Ky është rasti i parë i këtij niveli të mashtrimit të vërejtur gjatë testimeve.

Testimet u zhvilluan në një mjedis laboratorik me masa sigurie të reduktuara dhe me qasje të kontrolluar në internet. Autoritetet britanike theksuan se nuk ka pasur asnjë dëm në botën reale.

Edhe modelet e OpenAI u testuan në të njëjtin program, ndërsa rezultatet kanë nxitur diskutime të reja për forcimin e rregullave dhe mbikëqyrjes së inteligjencës artificiale.