Sipas rezultateve, 77% e qytetarëve në Shqipëri janë pro lejimit të punëtorëve të huaj, duke e renditur vendin në krye të listës. Pas saj vijnë Bosnja dhe Hercegovina me 62%, ndërsa Kosova me 61%.

Mesatarisht, 57% e qytetarëve në rajon e mbështesin punësimin e të huajve për të plotësuar vendet vakante, ndërsa 33% janë kundër.

Në anën tjetër, Serbia dhe Mali i Zi shfaqin qëndrime më skeptike. Mali i Zi është i vetmi vend ku kundërshtarët janë më të shumtë se mbështetësit, me 46% kundër dhe 43% pro.

Sipas raportit, mungesa e fuqisë punëtore, emigrimi i të rinjve dhe nevoja e bizneseve për punonjës janë faktorët kryesorë që kanë ndikuar në rritjen e mbështetjes për punësimin e shtetasve të huaj në rajon.