Grupi i njohur koreano-jugor BTS ka vendosur të mos dorëzojë muzikë për t’u marrë në konsideratë në edicionin e ardhshëm të çmimeve Grammy.

Vendimi u bë i ditur nga të shtatë anëtarët e grupit, pak pasi Akademia e Recording konfirmoi krijimin e një kategorie të re për muzikën pop aziatike në ceremoninë e vitit 2027.

Në një deklaratë të përbashkët, BTS thanë se duan që muzika të vlerësohet për atë që është, pa u ndarë sipas rajonit apo gjuhës.

Vendimi ka nxitur reagime të ndryshme te fansat. Disa e kanë mbështetur grupin, duke argumentuar se një kategori e veçantë për artistët aziatikë mund t'i largojë ata nga kategoritë kryesore të çmimeve.

BTS kanë pasur sukses të jashtëzakonshëm ndërkombëtar me muzikën e tyre në gjuhën koreane. Albumi i tyre i gjashtë, “Arirang”, i publikuar në mars, debutoi në vendin e parë në Billboard 200 dhe kryesoi listat muzikore në 23 vende.

Grupi ishte rikthyer fuqishëm në skenën muzikore pas një pauze katërvjeçare, gjatë së cilës të gjithë anëtarët përfunduan shërbimin e detyrueshëm ushtarak në Korenë e Jugut.