Këngëtarja britanike Charli XCX ishte një nga të ftuarat që tërhoqi më shumë vëmendje në dasmën e Matty Healy dhe modeles Gabbriette Bechtel, e mbajtur në rezidencën Castillo del Lago në Los Angeles.

Charli u paraqit me një fustan të zi elegant dhe ishte e shoqëruar nga bashkëshorti i saj, George Daniel, baterist i grupit The 1975.

Prania e saj në ceremoni u komentua gjerësisht, pasi Matty Healy është ish-partneri i Taylor Swift. Mediat ndërkombëtare kanë raportuar prej kohësh për një ftohje të marrëdhënieve mes Charli XCX dhe Taylor Swift, të cilat dikur ishin mike dhe bashkëpunuan në turneun "Reputation" në vitin 2018.

Në dasmë morën pjesë edhe emra të njohur si Stassie Karanikola, Devon Lee Carlson dhe aktori Duke Nicholson.

Ndërkohë, Taylor Swift u martua pak javë më parë me Travis Kelce, ndërsa mungesa e Charli XCX në atë ceremoni ka shtuar edhe më shumë spekulimet për raportet mes dy artisteve.