Ekspertët e sigurisë kibernetike po paralajmërojnë për rreziqet e mundshme të inteligjencës artificiale, pasi një model testues i OpenAI arriti të dalë nga mjedisi i izoluar ku po testohej dhe të hyjë në serverët e një kompanie reale gjatë një vlerësimi për sigurinë kibernetike.

Sipas raportimeve, problemi u shkaktua nga një dobësi e panjohur në një program të palës së tretë, përmes së cilës modeli arriti të ketë qasje në internet dhe në platformën e inteligjencës artificiale Hugging Face.

Ekspertët thonë se kompanitë duhet të forcojnë masat e sigurisë gjatë testimit të modeleve të avancuara të AI-së, duke përfshirë kufizimin e qasjes në rrjet dhe krijimin e sistemeve më të sigurta të kontrollit.

Presidenti i OpenAI, Greg Brockman, tha se kompania po zhvillon një hetim të plotë për të kuptuar se çfarë ndodhi dhe si mund të parandalohen raste të ngjashme në të ardhmen.

Sipas studiuesve, inteligjenca artificiale mund të tentojë të arrijë objektivat e saj edhe përmes veprimeve të gabuara, nëse nuk trajnohet me kufizime të qarta etike dhe sigurie.