Aksionet e Alphabet, kompania mëmë e Google, dhe Tesla kanë shënuar rënie të ndjeshme pasi investitorët shprehën shqetësime për shpenzimet gjithnjë e më të larta në inteligjencën artificiale (AI).

Aksionet e Alphabet ranë rreth 7%, ndërsa ato të Tesla humbën 14.5% të vlerës. Të dy kompanitë raportuan fluks të lirë të parasë negativ, si pasojë e investimeve të mëdha në infrastrukturën dhe zhvillimin e AI.

Alphabet ka bërë të ditur se planifikon të investojë deri në 205 miliardë dollarë gjatë këtij viti, kryesisht në projekte të inteligjencës artificiale, ndërsa Tesla synon të shpenzojë deri në 25 miliardë dollarë.

Megjithëse të ardhurat e Google vazhdojnë të rriten, investitorët mbeten skeptikë se kur këto investime do të sjellin fitime konkrete.