Google Gemini ka përdorur inteligjencën artificiale për të rikrijuar një nga momentet më të famshme në historinë e futbollit – golin legjendar të Pelés në Kampionatin Paulista të vitit 1959, i cili nuk u regjistrua kurrë me kamera.

Sipas rrëfimeve të dëshmitarëve, Pelé kaloi disa mbrojtës, dribloi portierin dhe realizoi një gol që shumë e konsiderojnë si një nga më të bukurit e të gjitha kohërave. Megjithatë, nga ajo ndeshje kanë mbetur vetëm dëshmi, skica të gazetave dhe një fotografi.

Duke u bazuar në këto burime historike, ekipi i Google Gemini rindërtoi të gjithë aksionin, duke ofruar një vizualizim të momentit që për dekada ka ekzistuar vetëm në kujtimet e atyre që e panë.

Ky projekt tregon se inteligjenca artificiale mund të përdoret jo për të ndryshuar historinë, por për ta sjellë atë më pranë publikut, duke rikrijuar ngjarje të rëndësishme kur ekzistojnë prova të mjaftueshme historike.