Norvegjia ka inauguruar një memorial të ri në kujtim të 77 viktimave të sulmit terrorist të 22 korrikut 2011, disa ditë para 15-vjetorit të tragjedisë.

Më 22 korrik 2011, Anders Breivik kreu sulmin më të rëndë në historinë moderne të Norvegjisë, duke vrarë 8 persona në një shpërthim me bombë në Oslo dhe 69 të tjerë, kryesisht të rinj, në ishullin Utøya.

Memoriali i ri, i quajtur “Upholding”, ndodhet në zonën qeveritare të rinovuar në Oslo, pranë vendit ku ndodhi shpërthimi i parë. Vepra artistike paraqet një zog vendas të ishullit Utøya dhe përfshin emrat e të gjitha 77 viktimave.

Sipas autorit të veprës, memoriali synon jo vetëm të nderojë viktimat, por edhe të shërbejë si simbol i qëndrueshmërisë demokratike kundër ideologjive ekstremiste.

Breivik u dënua në vitin 2012 me 21 vjet burg, dënimi maksimal në Norvegji, i cili mund të zgjatet nëse ai vazhdon të konsiderohet rrezik për shoqërinë.