Bugatti ka mbyllur një kapitull historik duke prezantuar W16 Mistral, modelin e fundit rrugor të pajisur me motorin legjendar W16, i cili për vite me radhë ka qenë simbol i performancës së markës franceze.

Modeli i fundit, i quajtur "The Last of Its Kind" ("I Fundit i Llojit të Tij"), vjen me një kombinim ekskluziv ngjyrash Pearl dhe Sparkle, si dhe me detaje të personalizuara në kabinë, përfshirë nënshkrimin e themeluesit Ettore Bugatti në mbështetëset e kokës dhe pragjet e dyerve.

Para dorëzimit te pronari, automjeti iu nënshtrua rreth 400 kilometrave testime, sipas standardeve të markës.

Në nëntor 2024, Bugatti W16 Mistral, me një vlerë prej rreth 5 milionë eurosh, vendosi rekordin si vetura e prodhimit me çati të hapur më e shpejtë në botë, duke arritur shpejtësinë 453.91 km/h, me pilotin Andy Wallace në timon.

Megjithëse Bugatti ka ndalur prodhimin e modeleve të reja me motorin W16, kompania ka bërë të ditur se klientët do të kenë ende mundësi të porosisin automjete të personalizuara përmes programit ekskluziv Solitaire.