Filmi aksion “Copshop”, me protagonist Gerard Butler, do të largohet nga platforma Netflix më 9 gusht.

Filmi i vitit 2021, i regjisorit Joe Carnahan, sjell një histori plot tension ku Butler luan rolin e një vrasësi profesionist, Bob Viddick, i cili përballet me një mashtrues dhe një police të re në një përplasje të rrezikshme.

Në kastin e filmit janë edhe Frank Grillo dhe Alexis Louder. “Copshop” mori vlerësime kryesisht pozitive nga publiku dhe kritikët, duke arritur 83% vlerësim në Rotten Tomatoes.

Edhe pse nuk pati sukses të madh financiar në kinema, filmi është konsideruar një nga punët më të vlerësuara të regjisorit Carnahan dhe një zgjedhje e mirë për adhuruesit e filmave aksion.

Ende nuk dihet se në cilën platformë do të jetë i disponueshëm filmi pas largimit nga Netflix.