Në Vietnam po vazhdon procesi i shitjes së pasurive luksoze të ish-biznesmenes Truong My Lan, e dënuar në një nga rastet më të mëdha të mashtrimit financiar në histori, megjithatë shumat e mbledhura mbeten shumë larg borxhit që ajo ka ndaj viktimave.

Lan, dikur një nga gratë më të pasura në vend, është dënuar me burgim të përjetshëm për përfshirjen në një skemë ku janë përvetësuar rreth 44 miliardë dollarë përmes një banke të madhe.

Autoritetet kanë shitur disa nga asetet e saj luksoze, përfshirë çanta, vetura dhe prona, por të ardhurat deri tani mbulojnë vetëm një pjesë shumë të vogël të dëmit financiar.

Sipas autoriteteve, procesi i sekuestrimit dhe ankandit të pasurive do të vazhdojë, ndërsa pjesa më e madhe e borxhit mbetet ende e papaguar.