Qëndrimi ulur për periudha të gjata — qoftë në punë apo duke përdorur telefonin — mund të ketë pasoja më serioze për shëndetin sesa mendohet zakonisht, paralajmërojnë ekspertët.

Sipas hulumtimeve të fundit, qëndrimi i zgjatur ulur ndikon negativisht në qarkullimin e gjakut, frymëmarrje dhe energjinë e trupit, duke rritur lodhjen dhe ulur përqendrimin.

Ekspertët rekomandojnë një zgjidhje të thjeshtë: të bëhen pushime të shkurtra me lëvizje për rreth pesë minuta çdo 30 minuta. Kjo mund të përfshijë ecje të shkurtër, lëvizje të trupit apo aktivitete të lehta fizike.

Studimet tregojnë se personat që kanë praktikuar këto pauza kanë raportuar më pak lodhje, përqendrim më të mirë dhe rritje të energjisë gjatë ditës.

Po ashtu, specialistët theksojnë se ushtrimet në palestër janë të rëndësishme, por nuk mjaftojnë për të neutralizuar efektet e qëndrimit ulur gjatë gjithë ditës. Për këtë arsye, lëvizja e rregullt gjatë orarit të punës apo aktiviteteve të përditshme konsiderohet thelbësore për mirëqenie.