Përfaqësuesit e punëtorëve në Volkswagen kanë ritheksuar kundërshtimin e tyre ndaj çdo plani për mbylljen e fabrikave në Gjermani, duke e quajtur këtë një “vijë të kuqe” që kompania nuk duhet ta kalojë.

Sipas raportimeve, drejtuesit e sindikatave dhe këshillit të punëtorëve kërkojnë që menaxhmenti të respektojë marrëveshjen e arritur në vitin 2024 për mbrojtjen e vendeve të punës, pavarësisht presionit financiar dhe sfidave që po kalon industria automobilistike.

Oliver Blume po kërkon ulje kostosh dhe ristrukturim të kompanisë, ndërsa Volkswagen po përballet me konkurrencë të fortë nga prodhuesit kinezë dhe tranzicionin drejt veturave elektrike.

Sindikatat kanë deklaruar se janë të hapura për diskutime rreth rritjes së efikasitetit dhe përdorimit më të mirë të fabrikave, por jo për mbyllje të tyre apo rrezikim të vendeve të punës