Olivia Rodrigo ka treguar se albumi i saj i tretë, “You Seem Pretty Sad for a Girl So in Love”, që publikohet më 12 qershor, është shkruar gjatë një periudhe kur ajo po përjetonte për herë të parë dashuri të vërtetë romantike.

Në një intervistë për On Air with Ryan Seacrest, ajo shpjegoi se u frymëzua nga këngët e dashurisë që përmbajnë edhe trishtim, frikë dhe mall, elemente që i bëjnë më të ndjera dhe prekëse.

Fituesja e çmimeve Grammy Awards e përshkroi projektin si një proces vetë-zbulimi, duke theksuar se marrëdhëniet ndihmojnë për të kuptuar më mirë veten. Sipas saj, një pjesë e madhe e albumit është krijuar në Londër, që ka ndikuar edhe në atmosferën e disa këngëve.

Rodrigo shton se me këtë album synon të tregojë një anë më të thellë dhe personale të saj përmes muzikës.