Sipas përmbajtjes së dokumentarit, shumë gra po i drejtohen kanabisit si alternativë për trajtimin e problemeve shëndetësore si dhimbjet kronike, menopauza dhe çrregullime të tjera që shpesh kanë mbetur të nënvlerësuara nga mjekësia tradicionale.

Fenomeni është veçanërisht i theksuar në disa shtete të SHBA-së, ku legalizimi i kanabisit mjekësor ka nxitur krijimin e bizneseve të udhëhequra nga gra dhe komuniteteve që promovojnë përdorimin e tij të informuar.

Dokumentari gjithashtu vë në pah zhvillimet e fundit shkencore dhe debatet në rritje për rishikimin e statusit ligjor të kanabisit, duke theksuar se, ndonëse nuk konsiderohet zgjidhje universale, për shumë paciente ai përfaqëson një alternativë të rëndësishme në trajtim.