Liverpool F.C. po përgatitet për një verë me ndryshime të thella në skuadër, ku pritet që disa lojtarë të ekipit të parë të largohen nga “Anfield”.

Sipas raportimeve, emra si Mohamed Salah, Andy Robertson, Curtis Jones dhe Harvey Elliott përmenden mes atyre që mund të mos jenë më pjesë e klubit, në kuadër të një rindërtimi të skuadrës.

Klubi po kalon një periudhë tranzicioni pas një sezoni të vështirë, ku ka pasur rezultate zhgënjyese në garat vendore dhe europiane, duke e shtyrë drejt një riorganizimi të thellë të ekipit.

Trajneri Arne Slot pritet të vazhdojë në krye të skuadrës, ndërsa drejtuesit e klubit synojnë të rifreskojnë ekipin për sezonin e ardhshëm dhe të rikthehen në garën për trofe të mëdhenj.