Çmimi maksimal është rritur nga 8,680 dollarë që ishte pas shortit të turneut në dhjetor, ndërsa edhe kategoritë e tjera kanë pësuar rritje të ndjeshme.

Ky ndryshim lidhet me përdorimin e sistemit të çmimeve dinamike, ku vlera e biletave përcaktohet nga kërkesa në treg. Turneu do të zhvillohet në SHBA, Meksikë dhe Kanada, me gjithsej 48 ekipe pjesëmarrëse.

FIFA bëri të ditur se jo të gjitha biletat janë hedhur menjëherë në shitje dhe se ato do të publikohen gradualisht. Megjithatë, procesi është shoqëruar me kritika nga tifozët dhe përfaqësues politikë, të cilët paralajmërojnë se çmimet e larta mund ta bëjnë turneun më pak të aksesueshëm për publikun e gjerë.

Ndërkohë, kërkesa për bileta mbetet shumë e lartë, me interes rekord nga tifozët në mbarë botën.