Dënimi me burg i Sean 'Diddy' Combs është shkurtuar sërish, me datën e lirimit që është afruar për 10 ditë.

Sipas raportimeve, artisti pritet të lirohet më 15 prill 2028, pas një tjetër rishikimi të dënimit që vjen disa javë pasi iu hoqën mbi një muaj nga koha e burgimit.

Combs po vuan një dënim prej 50 muajsh, pasi u shpall fajtor për dy akuza që lidhen me transportim për qëllime prostitucioni. Ai aktualisht ndodhet në një burg federal në New Jersey, ku është përfshirë edhe në një program rehabilitimi, i cili mund të ndikojë në uljen e mëtejshme të dënimit për sjellje të mirë.

Ndërkohë, avokatët e tij kanë apeluar vendimin, duke pretenduar se rasti është keqinterpretuar dhe duke kërkuar lirimin e menjëhershëm ose rigjykim. Seanca për shqyrtimin e apelit pritet të mbahet më 9 prill.