Sipas të dhënave nga firma analitike Circana, pas pesë vitesh rënie, shitjet e kufjeve me kabllo u rritën ndjeshëm në gjysmën e dytë të vitit 2025, ndërsa të ardhurat nga këto produkte u rritën rreth 20 për qind në gjashtë javët e para të vitit 2026.

Ekspertët thonë se një nga arsyet kryesore është cilësia më e mirë e zërit për të njëjtin çmim, si dhe fakti që kufjet me kabllo funksionojnë pa probleme lidhjeje apo baterie. Përveç aspektit praktik, ato janë shndërruar edhe në një trend kulturor dhe estetik, duke u përdorur gjithnjë e më shumë nga të rinjtë dhe figurat publike.

Rikthimi i tyre lidhet edhe me një interes më të madh për teknologji më të thjeshta, në një kohë kur shumë përdorues po kërkojnë alternativa ndaj pajisjeve gjithnjë e më komplekse.