Këngëtarja Meghan Trainor ka bërë të ditur se ajo dhe bashkëshorti i saj, Daryl Sabara, janë bërë prindër për herë të tretë. Lajmi u konfirmua nga vetë artistja përmes një postimi në Instagram, ku njoftoi se vajza e tyre, Mikey Moon Trainor, ka ardhur në jetë më 18 janar.

Në mesazhin e saj, Trainor shprehu mirënjohjen e thellë stafit mjekësor, duke theksuar se pas konsultimeve të shumta me mjekët, surrogacia ishte alternativa më e sigurt për zgjerimin e familjes së tyre.

Çifti, i martuar që nga viti 2018, është tashmë prind i dy djemve, Riley katërvjeç dhe Barry dyvjeç. Këngëtarja zbuloi gjithashtu se djemtë e saj patën rol në zgjedhjen e emrit të mesëm të foshnjës.

Lajmi i gëzueshëm u shoqërua me urime të shumta nga miq të njohur të çiftit, përfshirë Jimmy Fallon, Khloé Kardashian dhe Vanessa Hudgens.