Harry Styles pritet të rikthehet në skenë me një rezidencë të re në Madison Square Garden në vitin 2026, raportojnë mediat amerikane. Ky do të jetë rikthimi i tij i parë pas një pauze trevjeçare nga koncertet.

Këngëtari kishte realizuar më parë 15 koncerte të shitura plotësisht në MSG në vitin 2022, si pjesë e turneut Love On Tour, sukses që i siguroi një banderolë të përhershme në arenë. Ende nuk dihet numri i saktë i koncerteve, por pritet të zgjasin për një periudhë të konsiderueshme.

Së fundmi, Styles ka ngacmuar fansat me frazën “We Belong Together”, e cila besohet se lidhet me projektin e tij të ardhshëm muzikor. Albumi i tij i fundit, Harry’s House, u publikua në vitin 2022.