Një operacion pastrimi është duke u zhvilluar në Anglinë jugore për të rikuperuar sasi të mëdha bananesh që kanë dalë në bregdet pas humbjes së kontejnerëve nga anija Baltic Kipper.

Sipas Rojës Bregdetare Britanike, anija humbi 16 kontejnerë të shtunën, përfshirë tetë kontejnerë me banane, dy me banane të Indive Perëndimore dhe një me avokado.

Autoritetet po bashkëpunojnë me kompani të specializuara në emergjencat mjedisore për të rikuperuar kontejnerët dhe për të mbledhur mbeturinat, përfshirë frutat dhe polistirenin.

Në plazhin Selsey, vullnetarët po mbledhin bananet e shpërndara në breg, duke i vendosur në qese plehrash. Megjithatë, autoritetet u bëjnë thirrje qytetarëve:

“Mos konsumoni frutat që kanë dalë në bregdet”, për shkak të rrezikut nga kontaminimi dhe dëmtimi gjatë udhëtimit të tyre detar.