Këngëtarja Raye po merr kohën e nevojshme për të përfunduar albumin e saj të dytë, pas debutimit të suksesshëm My 21st Century Blues (2023). Artistja, e njohur për perfeksionizmin e saj, dëshiron që çdo këngë të jetë sa më e përpunuar dhe nuk do të nxitët nga presioni i kompanisë diskografike, edhe pse plani është që albumi të përfundojë para turneut të saj në fund të muajit të ardhshëm.

28-vjeçarja ka pranuar se albumi “ende nuk është gati”, duke e krahasuar procesin e krijimit me një çaj që piqet ngadalë. Për të ruajtur zërin dhe për të mbajtur performancat live në nivel të lartë, Raye ka sakrifikuar daljet në bare dhe klube, duke preferuar ecjen në natyrë dhe aktivitete që ndihmojnë shëndetin e saj vokal.

Përveç muzikës, këngëtarja ka nisur një hobi të ri – ecjen në natyrë – dhe planifikon të hapë një bar jazz live, me kapacitet 200 vetë, ku muzikantët do të mund të performojnë në mbrëmje jam dhe ku lokali do të jetë i hapur deri në orën 5 të mëngjesit.