Çmimi i arit e nisi vitin me 2,623 dollarë për ons dhe ndoqi një trend rritës gjatë 2025-s. Pas një performance stabile në tremujorin e verës, metali i çmuar u rrit ndjeshëm në vjeshtë, duke arritur një rekord prej 4,381.6 dollarësh për ons, ndërsa ofroi deri në 60% fitim për investitorët që nga fillimi i vitit.

Eksperti i tregjeve Zafer Ergezen tha për Anadolu Agency se pritjet për ulje të normave të interesit nga Rezerva Federale kanë qenë faktori kryesor i ngritjes së çmimeve. Ai shtoi se mbyllja e arit mbi nivelin prej 4,000 dollarësh rrit gjasat që metali i çmuar të testojë përsëri rekordin e tij, megjithëse ritmi i rritjes mund të ngadalësohet.

Sipas ekspertëve, nëse pozicionet e mbyllura të arit gjatë tetorit riaktivizohen, tregu mund të shohë rekorde të reja në muajt e ardhshëm.