Beyoncé i kërkon nënës të mos postojë shumë në rrjetet sociale, tregon Tina Knowles

Muzikë | 07.08.2025 Ora 9:50

Tina Knowles pranoi në podkastin Sibling Revelry se Beyoncé herë pas here i kërkon të mos postojë shumë për familjen në rrjetet sociale.

“Jam tifozja e saj më e madhe, postoj 25 video, pastaj më thërret Beyoncé dhe më thotë: ‘Mama, a mund të mos postosh kaq shumë? Kur do të ndalesh? Po bëhesh tepër,’” tregoi Tina.

Megjithatë, nëna e këngëtares tha se mbetet gjithmonë mbështetësja më e madhe e vajzës së saj, duke shtuar se nuk e merr kurrë për të mirëqenë suksesin e familjes.

Ajo foli edhe për marrëdhënien e tyre si nënë e bijë: “Është e bukur dhe argëtuese, por ndonjëherë kemi mosmarrëveshje si çdo nënë dhe vajzë. Por marrim vesh shumë mirë.”

Turneu Cowboy Carter i Beyoncé-së përfundoi në korrik me 32 koncerte, duke thyer mbi 40 rekorde dhe duke u bërë turneu më fitimprurës në historinë e muzikës country.