Ariana Grande dhe Jon M. Chu rikthehen me një film të ri nga Dr. Seuss

Film | 16.07.2025 Ora 8:42

Pas suksesit të madh të Wicked, Ariana Grande-Butera dhe regjisori Jon M. Chu po bashkëpunojnë sërish — kësaj here për një film të animuar bazuar në librin e fundit të Dr. Seuss, Oh, The Places You’ll Go! Filmi do të dalë në kinema më 17 mars 2028 dhe do të shfaqet gjithashtu në formatin IMAX.

Projekti do të jetë një bashkëprodhim mes Chu dhe Jill Culton, ndërsa në role do të dëgjohen zërat e Ariana Grande dhe aktorit Josh Gad. Muzikën origjinale do ta kompozojnë Benj Pasek dhe Justin Paul, dhe filmi prodhohet nga J.J. Abrams dhe Gregg Taylor.

Kjo është hera e parë që libri Oh, The Places You’ll Go! adaptohet në një film, megjithëse disa nga veprat tjera të Dr. Seuss janë sjellë disa herë në ekran. Duke pasur parasysh suksesin e fundit të kësaj skuadre, pritjet për filmin janë të mëdha — veçanërisht nëse ruhet magjia dhe mesazhi frymëzues i librit origjinal.