Mission: Impossible 8 afrohet drejt një tjetër rekordi në arkëtime

Film | 27.06.2025 Ora 8:43

Mission: Impossible – The Final Reckoning vazhdon rrugën e suksesshme në box office, duke arkëtuar plot 547 milionë dollarë në javën e pestë të shfaqjes. Nga këto, 181 milionë janë siguruar në SHBA dhe 366 milionë në tregun ndërkombëtar, sipas të dhënave nga Box Office Mojo.

Filmi i tetë i sagës, i cili theu rekordin e hapjes më të fortë në histori të serisë që nga fundjava e parë, tani është vetëm dy milionë larg për të kaluar Mission: Impossible II, që kishte arkëtuar 549 milionë dollarë në vitin 2000.

Ky trend konfirmon që publiku ende ka një uri të madhe për filma aksioni me përmasa epike, edhe në një epokë të mbushur me platforma streaming. Tom Cruise, me karizmën dhe përkushtimin ndaj skenave spektakolare, mbetet magnet i padiskutueshëm për biletat e kinemasë.