Filmi komedi-dramë The Intern, me Robert De Niro dhe Anne Hathaway në rolet kryesore, është bërë filmi më i shikuar në Netflix në Shtetet e Bashkuara – vetëm dy ditë pasi u rikthye në platformë më 22 qershor.

Publikuar për herë të parë në vitin 2015, filmi ndjek rrëfimin e Ben Whittaker (De Niro), një ish-drejtor i suksesshëm që del në pension, por vendos të sfidojë veten dhe të rikthehet në punë – këtë herë si praktikant në një kompani teknologjike mode të udhëhequr nga Jules Ostin (Hathaway). Dyshja përfaqëson një kontrast të bukur mes përvojës dhe energjisë së brezit të ri, duke sjellë një histori të ngrohtë, plot humor dhe reflektim mbi qëllimin e jetës.

Edhe pse filmi pati kritika të përziera në kohën e publikimit, ai grumbulloi rreth 200 milionë dollarë në arkëbotë dhe gradualisht fitoi popullaritet si një nga filmat më të dashur të De Niros në këtë zhanër. Tani, rikthimi i tij në qendër të vëmendjes përmes Netflix po dëshmon që historia dhe emocioni i sinqertë gjithmonë gjen jehonë tek audienca.