Zyrtare: Sydney Sweeney konfirmon ndarjen nga i fejuari – dhe flet për raportin me Glen Powell

Film | 04.06.2025 Ora 8:45

Pas muajsh spekulimesh rreth statusit të saj romantik, aktorja Sydney Sweeney ka konfirmuar se nuk është më e fejuar me producentin Jonathan Davino. Në një intervistë për The Sunday Times, ylli 27-vjeçar tha thjesht: “Po, jam single.” Ajo shtoi se ky është një periudhë e mirë për vetëzhvillim: “Po mësoj shumë për veten, po kaloj më shumë kohë me shoqe, edhe po e dua këtë fazë.”

E pyetur për marrëdhënien e saj me aktorin Glen Powell, partnerin në filmin romantik Anyone But You, Sweeney tha: “Glen dhe unë e duam shumë njëri-tjetrin si njerëz. Kur kalon aq kohë me dikë, afrohesh dhe flet për gjithçka – punë, jetë, familje, shoqëri. Ai është gjithmonë aty për mua dhe unë për të.”

Ndonëse fansat vazhdojnë të spekulojnë për një lidhje mes tyre, për momentin Sweeney duket se po e shijon lirinë personale dhe kohën për vete.